Nabuwag ang isang drug den sa ikinasang operasyon ng PNP at PDEA BARMM na nagresulta sa pagkakaaresto ng apat na indibidwal sa Purok 7, Rosary Heights 9, Cotabato City nito lamang ika-26 ng Marso 2025.
Kinilala ni Regional Director Gil Cesario P Castro ng PDEA BARMM, ang mga naarestong suspek na sina alyas “Boyet”, 30 anyos, drug den maintainer, “Toto”, 43 anyos, “Tahir”, 40 anyos, at “Musa”, 40 anyos.
Narekober mula sa mga suspek ang 22 na pakete ng hinihinalang shabu na may bigat na 15 gramo na nagkakahalaga ng tinatayang Php102,000, buy-bust money, iba’t ibang drug paraphernalia, at dalawang cellphones.
Nahaharap ang mga naarestong suspek sa kasong paglabag sa Republic Act No. 9165 o mas kilalang “Comprehensive Dangerous Drugs Act of 2002” at kasalukuyang nasa kustodiya ng PDEA Jail Facility para sa dokumentasyon at tamang disposisyon.
Patuloy na hinihikayat ng PNP at PDEA BARMM ang publiko na makipagtulungan sa mga awtoridad sa pagsugpo ng iligal na droga upang mapanatili ang kapayapaan at kaayusan sa rehiyon.
Panulat ni Patrolwoman Ma. Señora Agbuya
