Sa ikinasang operasyon kontra iligal na droga ng pinagsamang puwersa ng PDEA RO III, Zambales PDEA, at Subic MPS ay nagresulta sa pagkabuwag ng isang drug den at pagkaaresto ng anim (6) na suspek sa Subic, Zambales noong Linggo ng hapon, ika-3 ng Oktubre taong kasalukuyan.
Kinilala ang mga suspek na sina Renato Galote y Oquendo, 54 taong gulang; Alma Noble y Macasieb, 46 taong gulang; Roxanne Manalo y Gacias, 30 taong gulang; Phillip Escorton y Vinculado, 38 taong gulang; Rey Eugenio y Bautista; at Ener Monar y Diaz, 47 taong gulang.
Nakumpiska mula sa mga suspek ang limang (5) pirasong sachet ng hinihinalang shabu na may timbang na 15 gramo na nagkakahalaga ng Php102,000, mga paraphernalia, at isang (1) Php500 marked money.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
####
Article by Patrolwoman Maria Elena S Delos Santos
