Arestado ang dating surrenderee na tagapangasiwa sa isang drug den sa ikinasang joint drug operation ng Butuan City Police Station 1 at ng PDEA 13.
Ayon kay PBGen Romeo M Caramat Jr, Regional Director, PRO 13, nauwi sa pagbuwag ng drug den ang drug operation sa Barangay Villa Kananga at ang pagkakahuli sa mga suspek na sina Jake Chavit, John Paul Mendoza, Haryl Dagumyo Hallera, Lhar Chavit Dumaguite, Ronnel Castro Autor, at si Francis Rara Mendoza, lahat ay nasa drug watch list.
Narekober sa operasyon ang 20 gramo na shabu na may SDP na Php136,000, drug paraphernalia at Php16,000 na marked money.
“Patuloy na paiigtingin ng PNP CARAGA ang kampanya laban sa kriminalidad lalo na sa pagsugpo ng iligal na droga upang mapanatili ang kaligtasan at seguridad ng mamamayan ng CARAGA Region kasama ng ating mga katuwang na ahensya ng gobyerno”, ani PBGen Caramat.
Nasa kustodiya na ng PDEA Regional Office 13 ang mga arestadong suspek na haharap sa kasong paglabag sa section 5, 67, 11 at 12 Art 2 ng RA 9165 (Comprehensive Dangerous Drugs Act of 2002)
Source: CARAGA PULIS PIO
#####
Panulat ni: Police Corporal Romulo Cleve M Ortenero
