Iloilo City – Nagsagawa ng Drug Awareness Lecture ang Regional Police Community Affairs and Development Unit 6 sa mga Grade 5 at 6 na mag-aaral ng Molo II Elementary School sa Brgy. Katilingban, Molo, Iloilo City nito lamang Huwebes, ika-25 ng Mayo 2023.
Malugod na tinanggap ng mga guro ng nasabing paaralan sa pangunguna ni Ma. Crispina D Santerva, Principal I, ang mga tauhan ng RPCADU6 sa pangunguna ni Police Major Hector Tanio Jr., Assistant Chief, kasama ang mga tauhan ng Molo Police Station.
Dito ay naghatid ng kaalaman si Police Major Tanio Jr. sa pamamagitan ng Drug Awareness Lecture partikular ang batas na R.A. 9165 o ang Comprehensive Dangerous Drugs Act of 2002, na nagpapaalala sa mga kabataan na ang paggamit ng ilegal na droga ay nakakasama sa kanilang kalusugan at kinabukasan.
Ibinahagi din ang mga karampatang parusa sa mga lalabag sa ipinatutupad na batas at nagpaalala na huwag makibahagi sa mga ilegal na aktibidad.
Buong suporta ring lumahok sa naturang aktibidad ang mga Force Multipliers ng nasabing barangay.
Patuloy na maghahatid ng serbisyo ng PNP katuwang ang ibang ahensya ng pamahalaan upang mas mapagtibay ang ugnayan sa mga mamamayan lalo na sa ating mga kabataan.
