Nagsagawa ng Drug Awareness Lecture ang mga tauhan ng Dupax Del Sur Police Station na ginanap sa Barangay Gabut, Dupax Del Sur, Nueva Vizcaya noong ika-10 ng Agosto 2024.
Ang aktibidad ay pinangunahan ni PEMS Myla Mullet at PMSg Romeo Odones Jr sa ilalim ng pangangasiwa ni Police Major Anthony Ayungo, Chief of Police.
Ito ay aktibong dinaluhan ng mga miyembro ng Sangguniang Kabataan at Sangguniang Barangay ng nabanggit na lugar.
Nagbigay ng mahalagang impormasyon ang PNP sa mga masamang dulot ng ilegal na droga at ang mga batas kaugnay sa paggamit nito.
Ang naturang pagtuturo ay naglalayong mailayo ang mga kabataan at maprotektahan ang mga ito laban sa ilegal na droga.
Patuloy ang Dupax Del Sur PNP sa pagsasagawa ng ganitong aktibidad upang palakasin ang “Buhay Ingatan, Droga’y Ayawan” (BIDA) program na isang mahalagang hakbang upang maiwasan ang mapanirang dulot ng droga at makamit ang isang ligtas na Bagong Pilipinas.
Source: Dupax Del Sur Police Station
