Isinagawa ang Drug Awareness Lecture sa mga mag-aaral ng Pagalanggang National High School sa Barangay Pagalanggang, Dinalupihan, Bataan nito lamang Lunes, ika-24 ng Marso 2025.
Ang aktibidad ay pinangunahan ng Dinalupihan Municipal Police Station sa pamumuno ni Police Lieutenant Colonel Marcelino M Teloza, Chief of Police, sa pakikipagtulungan sa Barkada Kontra Droga Organization ng nasabing paaralan.
Tinalakay sa isang mahalagang talakayan ang paksa ukol sa Republic Act 9165 o ang “Comprehensive Dangerous Drugs Act of 2002”.
Sa pamamagitan nito, tinutulungan ang mag-aaral na maunawaan ang mga legal na kahihinatnan ng mga drug-related offenses, kabilang ang pagkakaroon, paggamit, at pamamahagi.
Ang programa ay bahagi ng patuloy na kampanya laban sa ilegal na droga upang masiguro ang kaligtasan at maayos na kinabukasan ng mga kabataan sa komunidad.
Layunin nito na bigyan ng sapat na kaalaman ang mga kabataan tungkol sa panganib at masasamang epekto ng ilegal na droga sa kanilang kalusugan at kinabukasan.
Panulat ni Pat Digna Jane Malubay
