Nueva Ecija – Nagsagawa ng Drug Awareness Lecture ang Cabanatuan City PNP sa mga mag-aaral ng Bakod Bayan Integrated School , Brgy. Bakod Bayan, Cabanatuan City, Nueva Ecija nito lamang Huwebes, ika-7 ng Hunyo 2023.
Ang naturang pagtuturo ay pinamunuan ni Police Lieutenant Warly Bitog, Chief of Police ng Cabanatuan City Police Station.
Nagbigay ng kaalaman ang Cabanatuan City PNP sa pamamagitan ng Drug Awareness Lecture na nagpapaalala sa mga kabataan na ang paggamit ng ilegal na droga ay nakakasama sa kanilang kalusugan at kinabukasan.
Ibinahagi din ang mga batas at karampatang parusa sa mga pilit na gagamit o magbebenta ng ilegal na droga.
Kaya naman aktibong nakibahagi ang mga estudyante sa pagbibigay kaalaman ng Cabanatuan City PNP sa nasabing paaralan.
Sinisiguro ng Cabanatuan City PNP ang patuloy na pagpapaigting ng kampanya laban sa ipinagbabawal na gamot at magbibigay kaalaman sa mga kabataan.
Source: Cabanatuan City Police Station
Panulat ni PCpl Jeselle V Rivera
