Cebu City – Kalaboso ang 43-taong gulang na lalake matapos makumpiskahan ng ilegal na droga at baril kasunod ng isinagawa na buy-bust operation ng City Drug Enforcement Unit (CDEU), Cebu City Police Office (CCPO) sa Chinese Cemetery, Brgy. Carresta, Cebu City noong Mayo 11, 2023.
Kinilala ni Police Lieutenant Colonel Dindo Juanito Alaras, Chief CDEU, ang naarestong suspek na si alyas “Turko”, residente ng nasabing lugar, at kabilang sa drug watchlist ng lungsod.
Ayon kay Police Lieutenant Colonel Alaras, inilunsad ang operasyon dakong alas-8:30 ng gabi nito lamang Huwebes na kung saan ang suspek ay agad na naaresto makaraang makabili mula rito ang nagpanggap na poseur buyer ng droga.
Narekober mula sa suspek ang shabu na tumitimbang ng nasa tatlong gramo at may halaga na Php20,400; isang unit ng .45 calibre pistol na kargado ng tatlong live ammunition; at ang nagamit na buy-bust money.
Kasong paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act) ang kakaharapin ng suspek.
Patuloy naman ang buong hanay ng Cebu City PNP sa pagpapahusay at pagpapaigting ng kampanya kontra ilegal na droga at sa lahat ng uri ng kriminalidad para sa kaayusan at kapayapaan ng lungsod.
