Timbog ang 32 anyos na lalaki na itinuturing na High Value Individual (HVI) matapos makumpiskahan ng ilegal na droga at baril sa ikinasang buy-bust operation ng mga operatiba ng Regional Police Drug Enforcement Unit (RPDEU) 12 sa Purok 2, Barangay Poblacion, Tupi, South Cotabato nito lamang umaga ng Biyernes, Hunyo 14, 2024.
Kinilala ni Police Brigadier General Percival Augustus P Placer, Regional Director ng Police Regional Office 12, ang naaresto na si alyas “Boknoy”, tricycle driver, at residente ng Barangay Dadiangas North, General Santos City.
Nakumpiska mula sa suspek ang dalawang pakete ng pinaghihinalang shabu, isang yunit ng Cal. 357 na baril na may kasamang apat na bala, isang genuine One-thousand-peso bill, apat na One-thousand-peso boodle money (buy-bust money), at iba pang non-drug items.
Kasong paglabag sa Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act ang kakaharapin ng suspek.
Sa kabila nito, tiniyak ng Regional Director na patuloy ang buong hanay ng PRO 12 sa pagsasagawa ng Anti-Illegal Drugs Operation upang tuluyan nang masugpo ang suliranin sa ilegal na droga tungo sa mas ligtas at mas maayos na pamayanan.
Panulat ni Patrolman Kherwin Jay Medelin
