San Francisco, Agusan del Sur – Kalaboso ang isang driver sa kasong Carnapping sa isinagawang Joint Operation ng Agusan del Sur PNP nito lamang Biyernes, Mayo 20, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang nadakip na si Ronito Cuevas, 44, may asawa, dump truck driver at residente ng Purok 7, Barangay Maputi, Tagbina, Surigao del Sur.
Ayon kay PCol Canlapan, bandang 6:50 ng gabi nang arestuhin si Cuevas sa P-1, Brgy. Alegria, San Francisco, Agusan del Sur ng mga tauhan ng Regional Highway Patrol Unit at San Francisco Municipal Police Station.
Ayon pa kay PCol Canlapan, naaresto ang suspek sa bisa ng Warrant of Arrest sa kasong Carnapping na may nirekomendang piyansa na Php180,000.
Ang PNP ay mas pinaigting ang kampanya laban sa kriminalidad upang mapanagot ang sinumang nagkasala at mapangalagaan ang katahimikan ng ating bansa.
###
Panulat ni Patrolman Jhunel Cadapan/RPCADU13
