Nilahukan ng mga tauhan ng Regional Community Affairs and Development Unit ng NCR ang selebrasyon ng Down Syndrome Consciousness Month na ginanap sa Bayview Subdivision, Covered Court Sucat, Muntinlupa City nito lamang Linggo, ika-18 ng Pebrero 2024.
Ang aktibidad ay pinangunahan ni Police Lieutenant Colonel Randy D Alagao, Officer-In-Charge ng RPCADU NCR kasama ang mga tauhan ng Southern Police District at Regional Mobile Force Battalion ng NCRPO.
Katuwang din dito ang Lil’ Brave Hearts Inc. na naging pangunahing sponsor sa mga ipinamigay na laruan, groceries at iba pa.
Samantala, nagpakita naman ng talento sa pagsayaw ang mga tauhan ng RPCADU NCR sa mga batang may kapansanan na labis ang kagalakang naramdaman sa mga oras na iyon.
Layunin ng gawaing ito na ipakita ang Serbisyong Nagkakaisa na isa sa 5-Focus Agenda ni Chief PNP PGen Benjamin Acorda Jr na Community Engagement at ito din ang pangunahing prayoridad ng ating pamahalaan na tulungan ang mga kababayan nating nangangailangan ng atensyon.
Source: PCADG Metro Manila
Panulat ni PSSg Remelin M Gargantos
