Cebu – Tinatayang mahigit 28,000 indibidwal ang nakilahok at nakiisa sa inilunsad na BIDA (Buhay Ingatan, Droga’y Ayawan) Program ng Department of the Interior and Local Government na ginanap sa Lapu-lapu City Hoops Dome, nito lamang Sabado, Hulyo 29, 2023.
Ang matagumpay na aktibidad ay pinangunahan ni Atty. Benjamin Abalos Jr., Secretary of the Interior and Local Government kasama sina Hon. Gwendolyn Garcia, Cebu Provincial Governor; Hon. Mike Rama, Cebu City Mayor; Hon. Jonas Cortes, Mandaue City Mayor; Hon. Junard “Ahong” Chan, Lapu-lapu City Mayor; Police Lieutenant General Patrick Villacorte, Commander, APC Visayas; Police Brigadier General Anthony A Aberin, Regional Director, PRO 7; at iba pang Local Chief Executives na naglalayong paigtingin ang drug demand reduction campaign ng gobyerno at suporta ng komunidad laban sa ilegal na droga.
Tampok sa BIDA roll out ang BAKTAS (BIDA Ang Katawhan Tiunay’ng Alagaran ug Serbisyohan) walk-for-a-cause; BIDA Fun Run; Tae bo; awarding ng Anti-Drug Abuse Council (ADAC) sa mga high functional ADAC ng Rehiyon 7 at mga serbisyo caravan kabilang na ang mga serbisyong medikal, legal, libreng gupit, SSS assistance, LTOPF renewal and application, TESDA, at drug tests.
Sa talumpati ni SILG Abalos, kanyang pinasalamatan ang pagtutulungan ng iba’t ibang ahensya ng gobyerno at non-government para maisakatuparan ang kaganapang ito.
Nagbigay din siya ng maikling presentasyon na nagpapakita ng mga epekto ng paggamit ng ilegal na droga.
Samantala, ang Police Regional Office 7 sa pamumuno ni PBGen Anthony A Aberin, Regional Director, ay palaging nakatuon sa gawaing ito sa pamamagitan ng pagpapatupad ng isang mas agresibo at nakatutok na kampanya laban sa ilegal na droga upang maiwasan ang paglaganap ng banta nito sa rehiyon. Ang PRO 7 ay may sarili ring programa na nakabatay sa komunidad upang hikayatin ang mga tao na aktibong suportahan ang kampanya kontra ilegal na droga.
