Ampatuan, Maguindanao – Personal na pinuntahan at nagbigay parangal sina Secretary of the Interior and Local Government, Benjamin Abalos Jr., at Chief, Philippine National Police, PGen Rodolfo S Azurin Jr., sa labi ng yumaong hepe ng Ampatuan MPS na si PLt Reynaldo O Samson na nasawi sa pananambang ng mga armadong kalalakihan sa Brgy. Kapinpilan, Ampatuan, Maguindanao noong Agosto 30, 2022.
Agad namang inilibing ang labi ni PCpl Endab ayon sa kanilang kulturang muslim.
Tinungo rin nila ang ospital kung saan nakaconfine ang sugatan na sina PSMS Quinalayo, PCpl Dela Cuestra at PCpl Dayaday.
Ginawaran ng parangal ni DILG Secretary Benjamin Abalos Jr., ang mga nasawing biktima ng Medalya ng Kadakilaan habang Medalya ng Kadakilaan at Medalya ng Sugatang Magiting ang iginawad sa mga nakaligtas na pulis.
Pinapurihan ni DILG Secretary ang mga pulis na nasawi at sugatan sa kanilang pabayanihan at katapangan na maipaabot ang serbisyong tapat at malasakit sa bayan.
Taos pusong ipinaabot nina Secretary Abalos Jr., at PGen Azurin Jr., ang kanilang pakikiramay sa pamilya ng mga namatay na biktima.
Panulat ni Pat Mark Vincent Valencia
