Maguindanao del Norte – Nagsagawa ng Diabetes Mellitus Prevention Program ang mga kapulisan ng Regional Medical and Dental Unit BAR kaugnay ng Diabetes Awareness Week 2023 na ginanap sa PRO BAR Multi-Purpose Building, Camp BGen Salipada K Pendatun, Parang, Maguindanao del Norte nito lamang ika-26 ng Hulyo 2023.
Ang naturang aktibidad ay pinangunahan ni Police Lieutenant Colonel Shirley Estrada, Asst. Chief ng RMDU BAR, katuwang ang Cotabato Regional Medical Center sa pangunguna ni Dr. Shiela Farisha Mangelen.
Naging matagumpay ang aktibidad na nakapagbigay serbisyo sa 33 katao mula sa PNP, dependents at mga sibilyan.
Kabilang sa serbisyo ang Basic Laboratory Examination, Medical Consultation, Diet Counseling, pagbibigay kaalaman patungkol sa Dental Care at Stress Management.
Samantala, ang aktibidad na ito ay nagpapatunay lamang sa tunay na malasakit ng ating Pambansang Pulisya at nagpapakita din ng matatag na relasyon sa pagitan ng PNP at ng iba pang ahensya ng gobyerno gayundin sa ating komunidad tungo sa mas maunlad at maayos na pamayanan.
Panulat ni Patrolman Charlie Nasroden Corpuz
