Sulu – Arestado ang isang lalaking kabilang sa watchlist ng Directorate for Intelligence sa ikinasang buy-bust operation ng Indanan Municipal Police Station sa Sitio Baunoh, Brgy. Tagbak, Indanan, Sulu nito lamang ika-8 ng Hunyo 2023.
Kinilala ni Police Major Edwin Sapa, Chief of Police ng Indanan MPS, ang naarestong suspek na si alyas “Abs/Olluh”, 45, residente ng Brgy. Tagbak, Indanan, Sulu.
Nakumpiska mula sa suspek ang 4 na heat-sealed transparent plastic sachet na naglalaman ng hinihinalang shabu na may bigat na 0.118 na gramo at nagkakahalaga ng Php800, iba’t ibang kagamitang gamit sa ilegal na droga, isang yunit ng caliber 45. at isang magazine na may walong bala, cellphone at ang perang ginamit bilang buy-bust money.
Ang naarestong suspek at mga nakumpiskang ebidensya ay dinala sa Indanan MPS para sa tamang disposisyon at pagsasampa ng kaukulang kaso.
Habang ang imbentaryo naman ay isinagawa din sa Indanan MPS na sinaksihan naman ng mga opisyales ng naturang barangay, Department of Justice at Media Representatives.
Ang matagumpay na operasyong ito kontra ilegal na droga ay isang patunay na ang Indanan PNP ay patuloy na nagsasagawa ng operasyon upang sugpuin ang ilegal na droga tungo sa maayos at maunlad na pamayanan.
Panulat ni Patrolman Charlie Nasroden Corpuz
