Camiling, Tarlac – Matagumpay na isinagawa ng 2nd Tarlac Provincial Mobile Force Company ang Dental Mission sa Barangay Bacsay, Camiling, Tarlac nito lamang Martes, Agosto 2, 2022.
Ang aktibidad ay pinangunahan ni Police Lieutenant Colonel Franklin Palaci Estoro, Force Commander ng 2nd Tarlac PMFC kasama si Dr. Enric Agustin ng Las Piñas Dental Chapter, Kabataan Kontra Droga at Terorismo, Women’s Group at Barangay Officials.
Tinatayang 30 na bata ang nakapagpalinis at nakapagpabunot ng ngipin at nabigyan ng toothbrush sa nasabing barangay.
Ayon kay PLtCol Estoro, lubos na nagpapasalamat ang mga magulang ng mga bata sa PNP at sa Las Piñas Dental Chapter sa tulong na naibigay sa kanila.
Nagbigay din ng kaalaman ang mga otoridad kung paano ang tamang pag-alaga at paglinis ng ngipin.
Layunin ng aktibidad na mapagtibay ang ugnayan ng PNP sa mga mamamayan upang maging kaisa sa pagpapanatili ng kapayapaan at seguridad sa bansa.
Source: 2nd PMFC, Tarlac PPO
###
Panulat ni PCpl Jeselle V Rivera
