Camp Crame, Quezon City – Bumisita ang delegasyon ng United States Department of Justice- International Criminal Investigative Training Assistance Program (USDOJ ICITAP) sa tanggapan ng Directorate for Police Community Relations (DPCR) nito lamang Biyernes, ika- 8 ng Abril 2022.
Mainit namang tinanggap ng pamunuan ng DPCR sa pangunguna ni PMGEN Walter Castillejos kasama ang Direktor ng Police Community Affairs and Development Group (PCADG) na si PBGen Eric Noble ang mga miyembro ng ICITAP-Philippines na pinangunahan ni Attaché Juan Bortfeld.
Ang ICITAP ay kasama ng PNP mula pa noong 2006 na may layuning makipagtulungan sa iba’t ibang bansa upang bumuo ng propesyonal at mapagkakatiwalaang mga institusyong nagpapatupad ng batas na mangangalaga sa karapatang pantao, lalaban ang katiwalian at mapababa ang banta ng transnational na krimen at terorismo.
Samantala, nagtapos kamakailan ang piling 16 na uniformed personnel mula PCADG sa isinagawang Social Media Strategies Introduction Course na isa sa pagsasanay na sponsor ng ICITAP noong ika-28 ng Marso 2022.
Binabalagtas naman ng mga pinuno ng ICITAP at PNP na palawigin pa ang pagtutulungan ng dalawang organisasyon kung saan magkakaroon ng karagdagang training tulad ng Journalism at pagkakaroon ng kolaborasyon sa pagitan ng Philippine National Police Academy (PNPA) at ICITAP.
Dito ipinaliwanag ni PBGEN Noble kay Mr James Hellmold (Direktor ng Law Enforcement Training and Special Programs) ang karagdagang kurso na ituro sa PNP upang lalo silang gumaling sa aspeto ng community affairs.
Samantala, ang PNP ay mananatiling tapat sa paglinang ng bagong kaalaman upang higit pang epektibong mapagsilbihan ang publiko at mapanatili ang kapayaan at kaayusan sa lipunan.
Mabuhay ang PNP godbless