Camp Crame, Quezon City (January 25, 2022) – Isinagawa ng Philippine National Police ang sabayang pagpapatunog ng kampana ng simbahan para sa “Day of National Remembrance for SAF 44” sa buong bansa sa ganap na alas-tres ng hapon ng Martes, ika-25 ng Enero ng taong kasalukuyan.
Ginugunita sa parehong araw ang maalaalang Oplan Exodus na kung saan nagbuwis ng buhay ang 44 na miyembro ng Special Action Force upang arestuhin ang teroristang si Marwan na kilala ding Osama Bin Laden ng South East Asia sa Mamasapano, Maguindanao noong taong 2015 ng parehong araw.
Ang pangyayaring ito ay yumanig sa buong bansa, nag-iwan ng di maubus-ubos na luha sa bawat pamilyang naulila at pinagluksahan ng sambayanan.
Gayumpayan, buong puso pa ring maglilingkod ang Pambansang Pulisya na magserbisyo nang tapat at handang ihandog ang iisang buhay para sa bayan.
#####
Panulat ni Patrolman Noel Lopez
