Tarlac – Nagbalik-loob sa La Paz PNP ang isang dating tagasuporta ng komunistang teroristang grupo sa La Paz, Tarlac nito lamang Huwebes Santo, ika-6 ng Abril 2023.
Pinangunahan ni Police Major Joy Turaray, Chief of Police ng La Paz Municipal Police Station katuwang si Rev. Edgardo, Marcos, Municipal KASIMBAYANAN Adviser ang boluntaryong pagsuko ng dating tagasuporta.
Napag-alaman na dating miyembro ng Alyansang Magbubukid ng Tarlac ang nasabing tagasuporta.
Samantala, inaasikaso na ang mga kaukulang papeles para isailalim sa programa ng pamahalaan na Enhanced Comprehensive Local Integration Program o E-CLIP.
Patuloy ang La Paz PNP sa panghihikayat sa mga tagasuporta at natitirang miyembro ng makakaliwang grupo na magbalik-loob na sa gobyerno upang makamit ang totoong kapayapaan at kaunlaran ng ating inang bayan.
Source: Tarlac Police Provincial Office
Panulat ni Police Corporal Jeselle Rivera/RPCADU3
