Isang dating rebeldeng komunista ang kusang-loob na sumuko dala ang armas at granada sa mga tauhan ng Socorro Municipal Police Station sa Barangay Zone 4, Socorro, Oriental Mindoro noong ika-20 ng Mayo 2024.
Si “Ka Leo”, 32, dating miyembro ng Milisyang Bayan, ay boluntaryong sumuko bitbit ang isang yunit ng Caliber .38 na walang serial number at isang pirasong granada sa mga tauhan ng Socorro MPS sa tulong ng 404th Battalion MC RMFB 4B.
Ang nasabing armas ay kasalukuyang nasa kustodiya ng Socorro MPS para sa tamang disposisyon at pagsusuri.
Pinuri ni PBGen Roger L. Quesada, ang hakbang ni “Ka Leo” bilang isang makabuluhang hakbang tungo sa kapayapaan at seguridad ng rehiyon. Ayon sa kanya, ang pagsuko ng dating rebelde ay nagpapakita ng kanilang kagustuhang magbagong-buhay at maging bahagi ng komunidad na mayroong kaayusan.
Patuloy naman ang pagbibigay ng suporta ng pamahalaan sa mga nais magbalik-loob na rebelde sa pamamagitan ng mga programa na naglalayong magbigay ng bagong simula sa kanilang mga buhay.
Source: Police Regional Office MIMAROPA
Panulat ni Patrolwoman Desiree Padilla
