Mountain Province – Pormal nang nagbalik-loob ang isang dating rebelde sa 2nd Mountain Province Provincial Mobile Force Company na ginanap sa Camp Lt. Geronimo Montes, Bontoc, Mountain Province nito lamang ika-29 ng Mayo 2023.
Kinilala ni Police Lieutenant Colonel Daniel Fakat, Force Commander, 2nd Mountain Province PMFC, ang sumuko na si alyas “Genuine”, na dating miyembro ng Kilusang Larangang Guerilla o KLG Ampis.
Ang withdrawal of support sa makakaliwang grupo ni “Genuine” ay dahil sa pagpupursige at pagsasagawa ng serye ng negosasyon at dayalogo ng PNP at AFP.
Agad namang nabigyan ng tulong-pinansyal ang naturang dating rebelde para matustusan ang kanyang pangunahing pangangailangan.
Patuloy naman ang 2nd Mt. Province PMFC sa pagsasagawa ng kampanya kontra terorismo sa pamamagitan ng pakikipag-ugnayan sa kanilang mga nasasakupan lalo na sa mga kabataan, ganundin ang paghihikayat sa mga ito na makibahagi at suportahan ang mga programa ng ating pamahalaan.
