Arestado ang isang dating preso sa isang matagumpay na drug buy-bust operation na isinagawa ng City Drug Enforcement Unit 6 sa Barangay Bakhaw, Mandurriao, Iloilo City nito lamang ika-13 ng Enero 2025.
Kinilala ni Police Captain Ryan Christ Inot, Chief ng City Drug Enforcement Unit 6, ang suspek na si alyas “Ervie”, residente ng Barangay Bakhaw, Mandurriao, Iloilo City.
Ayon kay PCpt Inot, nabilhan ng mga operatiba ng isang sachet ng hinihinalang shabu si “Ervie” gamit ang Php7,000 na buy-bust money. Kasunod ng operasyon, narekober mula sa suspek ang 18 sachet ng pinaghihinalaang shabu, pati na rin ang buy-bust item na may kabuuang timbang na humigit kumulang 50 gramo at may tinatayang halaga na Php340,000.
Ang suspek ay nahaharap sa mga kasong may kinalaman sa Republic Act 9165 o ang “Comprehensive Dangerous Drugs Act of 2002”.
Ang matagumpay na operasyon ng mga kapulisan sa Iloilo City ay nagpapakita ng dedikasyon ng PNP sa kanilang tungkuling mapanatili ang kapayapaan at maiwasan ang paglaganap ng krimen.
Source: K5 News FM Iloilo
Panulat ni Pat Glydel V Astrologo
