Palawan – Isang dating rebeldeng NPA ang kusang nagsuko ng gamit na pampasabog sa mga awtoridad ng Palawan Police Provincial Office 2nd Provincial Mobile Force Company sa Barangay Hall ng Brgy. Caramay, Roxas, Palawan noong Hunyo 3, 2023.
Ayon kay Police Lieutenant Colonel Mhardie Azares, Force Commander ng 2nd Palawan PMFC, isinuko ni “Ka Ernie/Ivan”, dating miyembro ng Bienvenido Vallever Command, SRMA-4E, ang isang (1) rifle grenade sa mga tauhan ng Palawan PPO 2nd Provincial Mobile Force Company sa tulong ng Palawan PPO Provincial Intelligence Unit, Marine Battalion Landing Team 3, 401st B Maneuver Company ng RMFB, Roxas Municipal Police Station, Taytay Municipal Police Station, at Provincial Intelligence Team Palawan.
Ang PNP ay patuloy na nananawagan sa mga miyembro ng makakaliwang grupo na magbalik-loob na sa gobyerno at hinihikayat ang lahat na isuko sa awtoridad ang ano mang uri ng armas na hindi rehistrado upang matigil na ang karahasan at terorismo tungo sa mapayapa at maunlad na rehiyon.
Panulat ni Patrolman Erwin Calaus
