Sumuko sa mga awtoridad ang isang dating miyembro ng Communist Terrorist Group (CTG) sa San Miguel, Zamboanga del Sur noong ika-11 ng Abril, 2025.
Kinilala ni Police Major Fernando Bill P Jumalon, Officer-In-Charge ng San Miguel Municipal Police Station, ang sumukong indibidwal na si alyas “Edgar”, 43 taong gulang, may asawa, magsasaka, at residente ng Purok 3, Barangay Ocapan, San Miguel, Zamboanga del Sur.
Nabatid na ang sumuko ay dating miyembro ng NPA sa ilalim ng dismantled GF KARA, WMRPC, at miyembro rin ng Salabukan No’k G’taw Subanen (SGS), isang Communist Affiliated Mass Organization (CAMO) sa ilalim ng UGMO Revolutionary Organization of Lumad (ROL) ng Regional Urban Committee RUC, WMRPC.
Nabatid na ang sumuko ay naging isang gerilya fighter sa loob ng isang taon at kalaunan ay nagsilbing courier, look-out, at caretaker ng mga kagamitan ng CTG sa kanilang safe-haven.
Siya ay tumanggap ng cash bond at 25 kilong bigas bilang tulong sa kanyang reintegrasyon sa komunidad.
Naroon din sa seremonya si Hon. Juliano Ligan, ang Barangay Chairman ng Ocapan, San Miguel, ZDS, at iba pang mga opisyal ng barangay.
Narekober din ang improvised 12-gauge shotgun na walang serial number.
Ang matagumpay na pagsuko ng dating miyembro ng CTG ay nagpapakita ng patuloy na pagsisikap ng mga kapulisan ng Zamboanga na hikayatin ang mga natitirang miyembro ng CTG na magbalik-loob sa pamahalaan at mamuhay ng mapayapa.
Panulat ni Pat Joyce Franco
