Palawan – Isang miyembro ng Communist Terrorist Group ang boluntaryong sumuko sa ating mga kapulisan ng 1st Palawan Provincial Mobile Force Company sa Brgy. Imulnod, Brooke’s Point, Palawan noong ika-20 ng Enero 2023.
Kinilala ni Police Lieutenant Colonel Eldie Bantal, Force Commander ng 1st Palawan PMFC, ang sumuko na si “Ka Larry Boy” na dating miyembro ng CTG sa ilalim ng Bienvenido Valleber Command Kilusang Larangang Guerilla-Palawan SRMA4E.
Ayon kay PLtCol Bantal, boluntaryong sumuko si “Ka Larry Boy” dahil sa pagsisikap ng mga tauhan ng 1st Palawan PMFC, Brooke’s Point MPS, Provincial Intelligence Unit, PIT Palawan Regional Intelligence Unit 4B, Naval Intelligence Security Group West, ODI-TOWWEST at SPD-DMFB at sa suporta ng KADRE Palawan ay nakipag-ayos at pinadali ang mapayapang pagbabalik-loob ng dating miyembro ng CTG.
Nasa kustodiya na ngayon ng 1st Palawan PMFC si “Ka Larry Boy” para sa debriefing.
Panulat ni Patrolman Erwin Calaus
