La Union – Sumuko sa gobyerno ang isang dating miyembro ng Communist Terrorist Group (CTG) sa Agoo, La Union nitong lamang ika-18 ng Agosto 2023.
Kinilala ang sumuko na si alyas “Delfin”, 61, may asawa at residente ng Brgy. San Manuel Norte, Agoo, La Union, at dating miyembro ng Timek ken Namnama dagiti Babassit a Mangngalap ti La Union (TIMEK) Agoo, La Union Chapter.
Boluntaryong sumuko si “Delfin”, sa pinagsanib na pwersa ng mga tauhan ng Regional Intelligence Unit 1, Provincial Intelligence Team, La Union Provincial Intelligence Unit, Technical Support Company ng Regional Mobile Force Battalion 1 at Agoo Municipal Station.
Sumasailalim si Delfin sa debriefing process kung saan itatalaga siya bilang miyembro ng Barangay Information Network (BIN) upang maglingkod at maging katuwang sa pagpapanatili ng kapayapaan sa kanilang lugar.
Ang pagsuko sa gobyerno ng mga dating rebelde ay nagpapakita lamang ng magandang resulta ng pursigidong pagkumbinsi ng pamahalaan at kapulisan sa rehiyon sa mga teroristang grupo at patunay na nagpapakita ng epektibong pagsulong sa kampanya laban sa terorismo ng National Task Force to End Local Communist Armed Conflict o NTF-ELCAC.
Source: Agoo Police Station/ TSC Regional Mobile Force Battalion 1
Panulat ni PSSg Carmela G Danguecan
