Sumuko sa gobyerno ang isang lalaki na dating miyembro ng Communist Terrorist Group (CTG) sa Agoo, La Union nitong lamang Setyembre 18, 2024.
Kinilala ang sumuko na si aka “Reagan”, 39, may asawa at residente ng Agoo, La Union, at dating miyembro ng Timek ken Namnama dagiti Babassit a Mangngalap ti La Union (TIMEK), Agoo, La Union Chapter.
Boluntaryong sumuko si aka “Reagan”, sa pinagsanib na pwersa ng mga tauhan ng 2nd La Union Provincial Mobile Force Company (LUPMFC) katuwang ang Agoo Municipal Police Station (MPS), Tactical Support Company – Regional Mobile Force Battalion 1 (TSC-RMFB1), Base Headquarters – RMFB1, Regional Intelligence Unit 1 (RIU1), Regional Intelligence Division (RID), at La Union Provincial Intelligence Unit (LUPIU), kasama ang suporta ng mga opisyal ng Barangay San Manuel Norte.
Sumasailalim ito sa debriefing process kung saan itatalaga siya bilang miyembro ng Barangay Information Network (BIN) upang maglingkod at maging katuwang sa pagpapanatili ng kapayapaan sa kanilang lugar.
Ito ay nagpapakita ng patuloy na pagsisikap ng mga ahensya ng batas, sa pakikipagtulungan sa mga lokal na opisyal na hikayatin ang mapayapang pagkalas ng suporta sa mga grupong may kaugnayan sa mga rebeldeng gawain at isulong ang kapayapaan at seguridad sa rehiyon.
Source: Agoo Police Station/ TSC Regional Mobile Force Battalion 1
Panulat ni PMSg Carmela G Danguecan
