Boluntaryong sumuko ang isang dating kasapi ng Communist Terrorist Group (CTG) sa mga operatiba ng La Union Police Provincial Office nitong Linggo, ika-15 ng Disyembre 2024.
Tinukoy ang sumukong indibidwal na si alyas “Sitong”, 75 taong gulang at residente ng Naguilian, La Union. Si alyas “Sitong” ay dating kasapi ng Timpuyog iti Marigrigat nga Umili iti Ili nga Naguilian of TIMUN.
Ayon sa kanya, napagdesisyonan niyang magbalik-loob sa pamahalaan dahil sa kagustuhan niyang mabuhay ng matiwasay at mapayapa sa piling ng kanyang pamilya.
Sumuko si alyas “Sitong” sa pinagsanib na mga operatiba ng Naguilian Municipal Police Station, La Union Provincial Intelligence Unit at Provincial Intelligence Team ng Regional Intelligence Unit 1.
Ang pagsuko ng nabanggit na indibidwal ay isang patunay ng epektibong kampanya ng mga kapulisan laban sa insurhensiya.
Source: Naguilian Municipal Police Station
Panulat ni PMSg Bader Ceasar Ayco
