Nueva Ecija – Boluntaryong nagbalik-loob sa mga tauhan ng Regional Mobile Force Battalion (RMFB) 3 ang isang dating miyembro ng Communist Terrorist Grouo (CTG) sa Brgy. Bayanihan, Gapan City, Nueva Ecija nito lamang Biyernes, ika-1 ng Setyembre 2023.
Ang naturang pagbabalik-loob na pinamunuan ni Police Lieutenant Colonel Jay Dimaandal, Force Commander ng Regional Mobile Force Battalion 3.
Kinilala ang sumuko na si alias “Akio”, residente ng Licab, Nueva Ecija at dating miyembro ng CTG.
Ayon sa ulat ng RMFB3, boluntaryo nitong isinuko ang isang caliber .38 revolver at apat na bala bilang patunay sa pagtalikod sa mga makakaliwang grupo.
Kasabay nito ang kanyang panunumpa at paglagda ng Oath Of Allegiance to the Government.
Ito ay bunga lamang ng pagsisikap ng PNP upang hikayatin ang ating mga mamamayan at imulat sa kanila ang mga iba’t ibang programa ng ating pamahalaan.
Source: Regional Mobile Force Battalion 3
Panulat ni PCpl Jeselle V Rivera
