General Santos City – Pormal na idinaos ng Police Regional Office 12 ang Dance Sport Competition kaugnay sa ika-27th PCR Month Celebration na may temang “Ugnayang Pulisya at Komunidad Tungo sa Mapayapa, Maayos, at Maunlad na Pamayanan” na ginanap sa PRO12, Regional Headquarters, Tambler General Santos City noong Ika-27 ng Hulyo 2022.
Ang aktibidad ay pinangunahan nila PCol Faro Antonio Olaguera, Deputy Regional Director for Operations at PCol Gilberto Tuzon, Chief Regional Community Affairs and Development Division, sa ilalim ng pangangasiwa ni PBGen Alexander Tagum, Regional Director ng PRO12.
Aktibo namang dinaluhan ng mga miyembro ng Kabataan Kontra Droga at Terorismo (KKDAT) General Santos City Chapter kung saan nagtagisan ng galing ang mga ito sa larangan ng Dance Sport.
Dumalo rin sina Reymart Canja, Class-E Licences Holder ng Philippine Dance Sport Federation, Evelou Villodres, Choreographer/Trainer ng Step One Creative Arts Center, GenSan at si John Jay Morido, Faculty member ng English Department of Mindanao State University, na nanguna sa pagiging hurado sa kompetisyon.
Tinanghal namang 1st best performer sina John Theo Puerto at Angela Talatala, 2nd best performer naman ang nasungkit ng magpartner na sina George Michael Gaerlan at Nicely Joy Balayo, at 3rd best performer naman ang inuwi nila Henry Kenth Lumawag at Missy Obligado.
Bago pa man simulan ang pagtatagisan ng galing ng mga kalahok, ay pinaalalahan ni PCol Olaguera, ang mga kalahok na isaalang-alang ang tunay na kahulugan ng pagiging sportsmanship ano man ang maging resulta nito.
Nakatanggap naman ng certificate ang lahat ng lumahok at cash prize sa mga nanalo sa patimpalak.
###
Panulat ni Patrolman Khnerwin Jay A Medelin
