Arestado sa hot pursuit operation ng Bataraza Municipal Police Station ang dalawang suspek sa pamamaril at isa sugatan sa Bataraza, Palawan nito lamang ika-12 ng Oktubre 2024.
Kinilala ang mga suspek na sina alyas “Edwin”, 42 anyos at alyas “Jemal”, 35 anyos, may asawa at kapwa residente ng Barangay Rio Tuba ng Bataraza, Palawan.
Matatandaang natagpuang patay sa nasabing Barangay si James Abdula Dengal, 31 anyos, may asawa at residente ng Sitio Bukid Bukid matapos barilin ng naturang suspek.
Nakumpiska sa mga suspek ang isang 9mm na baril na posibleng ginamit sa pamamaril, dalawang banana type magazine at mga bala.
Lumalabas sa imbestigasyon na selos ang motibo sa pagpatay sa biktima. Samantala, ang mga suspek ay kasalukuyang nasa kustodiya na ng mga awtoridad para sa tamang disposisyon.
Ang pagkakahuli sa mga suspek ay tanda lamang ng dedikasyon ng mga kapulisan sa kanilang tungkulin na siguraduhing ligtas ang bawat mamamayan sa lugar na kanilang nasasakupan.
Source: XFM Palawan Broadcasting Network
Panulat ni Patrolwoman Ana Rose D Guadaña
