Tinutugis na ngayon ng Imus City PNP ang dalawang suspek sa pagpatay sa dalawang babaeng natagpuang tadtad ng saksak sa isang condominium sa Barangay Bayan Luma 2 sa Imus City, Cavite noong Agosto 7, 2024.
Kinilala ni PLtCol Louie Dionglay, hepe ng Imus Component City Police Station, ang biktima na isang negosyanteng si Aldena Popelo, 44 taong gulang, at ang kaanak nito na si Jenelyn Salvador, 19 taong gulang.
Ayon kay PLtCol Dionglay, bangkay na ng natuklasan ng kapatid ni Popelo, na dumating sa condominium nito upang kumustahin sana matapos itong mapansin ang di pagpasok ng kanyang kapatid sa tindahan nito sa Imus Public Market
![](https://i0.wp.com/psbalita.com/wp-content/uploads/2024/08/viber_image_2024-08-12_16-44-43-710.jpg?resize=696%2C435&ssl=1)
Ayon pa kay PLtCol Dionglay, sa kanilang imbestigasyon ay nakita sa CCTv camera ang dalawang suspek na pumasok sa condo unit pasado 10:00 ng gabi ng Agosto 7, 2024 at lumabas pasado 11:00 ng gabi. Bukod sa kanila ay wala nang iba pa na pumasok sa condo ng biktima. Natagpuan din sa crime scene ang isang icepick na posibleng ginamit sa krimen.
Tinutugis na ngayon ng pulisya ang live-in partner ng biktima na isang 60 anyos na babae, at inaalam na ang pagkakakilanlan ng isa pang suspek at ang motibo sa krimen.
Photo by: Screenshots at GMA 7