Boluntaryong nagbalik-loob sa pamahalaan ang dalawang supporter ng Communist Terrorist Group (CTG) sa himpilan ng Bayog Municipal Police Station sa Bayog, Zamboanga del Sur nito lamang Ika-15 ng Nobyembre 2024.
Kinilala ni Police Major Harry R Velez ang nagbalik-loob na si alyas “Lie”, 31 anyos, lalaki, isang magsasaka at alyas “Mio”, 77 anyos, parehong residente ng Purok 4 Barangay Sigacad Bayog, Zamboanga del Sur.
Ang mga sumuko ay dating supporter ng CTG at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad naman itong nakatanggap ng tig-isang sakong bigas.
Sa ilalim ng programa ni Pangulong Ferdinand “Bongbong” Marcos Jr., na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTG na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Patrolwoman Joyce Franco
