Arestado ang dalawang Provincial Most Wanted Person sa magkahiwalay na manhunt operation ng Laguna PNP sa lalawigan ng Laguna nito lamang ika-26 Disyembre 2024.
Kinilala ni Police Colonel Gauvin Mel Y Unos, Provincial Director ng Laguna Police Provincial Office, ang mga suspek na sina alyas “Kim” at “Reynald”.
Naaresto si alyas “Kim” bandang 2:30 ng hapon sa Barangay Tagumpay, Bay, Laguna ng mga tauhan ng 1st Laguna Provincial Mobile Force Company, kasama ang mga tauhan ng Bay Municipal Police Station sa bisa ng Warrant of Arrest para sa kasong Frustrated Murder na may piyansang aabot sa Php200, 000.
Habang si alyas “Reynald” naman ay naaresto bandang 11:00 ng umaga sa Barangay Sampaloc, Pagsanjan, Laguna ng mga tauhan ng Pagsanjan Municipal Police Station sa bisa ng Warrant of Arrest para sa kasong paglabag sa Republic Act 9165 o “Comprehensive Dangerous Drug Acts of 2002.
Ang Laguna PNP ay magpapatuloy sa pinaigting sa pagtugis sa mga nagkasala sa batas at upang mabigyan ng kapanatagan ang mamamayan sa lalawigan ng Laguna na ang kanilang lalawigan ay isang payapa at ligtas.
Source: Laguna Police Provincial Office
Panulat ni Patrolwoman Angelica Rica S Teng
