Tawi-Tawi – Boluntaryong sumuko ang dalawang miyembro ng Sairulla Group sa Camp Alejandro Suarez, Barangay Poblacion, Bongao, Tawi-Tawi noong Hunyo 12, 2023.
Pinangasiwaan ni PCol Richard Basco, Acting Provincial Director, Tawi-Tawi Police Provincial Office, ang kanilang Oath of Allegiance kasunod ng isang debriefing.
Kasabay ng kanilang pagsuko ay ang pagsuko din ng isang yunit ng M16A1 at isang magazine na walang bala.
Ang matagumpay na pagsuko ay resulta ng pagsisikap ng mga kapulisan ng Tawi-Tawi Provincial Mobile Force Company at Provincial Intelligence Unit ng Tawi-Tawi PPO, Tawi-Tawi Provincial Intelligence Team, Regional Intelligence Unit 9, South Ubian MPS, 1st SOU at MARPSTA, PNP Maritime Group, 51st SAC PNP-Special Action Force, at Marine Battalion Landing Team 1.
Ang “Sairulla Group” ay isang DI-Listed Potential Private Armed Group na pinamumunuan ni Arola Sairulla, at itinuring na armado at nagtrabaho bilang mga security escort para sa isang kilalang pinuno ng South Ubian.
Ang mga sumuko ay nasa pangangalaga ng Tawi-Tawi PIT, RIU 9, PMFC Tawi-Tawi, at South Ubian MPS.
Pinapurihan naman ni PBGen Allan Cruz Nobleza, Regional Director, PRO BAR ang mga kapulisan, “Community leaders at friendly forces” sa kanilang kooperasyon at pagsisikap sa patuloy na pagkumbinsi sa mga teroristang grupo na sumuko para mamuhay ng matiwasay at mapayapa.
Panulat ni Patrolman Mark Vincent Valencia
