Sultan Kudarat – Dalawa na namang miyembro ng Communist Terrorist Group (CTG) sa ilalim ng Guerilla Front 73 (MUSA) ang sumuko sa otoridad sa Brgy. Hall South Sepaka, Bagumbayan, Sultan Kudarat nito lamang Disyembre 7, 2022.
Kinilala ni Police Brigadier General Jimili Macaraeg, Regional Director ng Police Regional Office 12, ang mga sumuko na sina alyas “Ka Beyangka”, 44, at si alyas “Ka Panter”, 39, na pawang residente ng Lake Sebu, South Cotabato.
Kasama sa pagsuko ng mga ito ang isang yunit ng Cal. 38 at isang US. Cal. 30 M-1 carbine na may kasamang magazine.
Ayon sa dalawang Former Rebel (FR), sila ay hinikayat ni Kumander Kustan, pinuno ng CPP-NPA, Platoon Samsung GF73 (MUSA) na umanib sa komunistang grupo. Subalit, puro hirap at gutom ang dinanas ng mga ito. At ang mga maling gawain at naging karanasan ng mga ito ang nagbunsod sa kanila upang magbalik-loob sa pamahalaan, nakita rin umano nito ang magagandang programang ipinagkakaloob ng gobyerno sa mga sumusuko.
Ayon naman kay PBGen Macaraeg, ang pinagsanib na tauhan ng Criminal Investigation and Detection Group (CIDG) Sultan Kudarat PFU, SK PHPT-Highway Patrol Group, Bagumbayan Municipal Police Station, Regional Intelligence Unit, SK Provincial Intelligence Unit, 7th Infantry Battalion, Philippine Army, at sa pakikipag-ugnayan sa Pamahalaan ng Sultan Kudarat, kabilang ang komunidad ay sinugurado at tinutukan ang boluntaryong pagsuko ng dalawang miyembro ng CTG.
Samantala, kasalukuyan ng tinutulungan ng kapulisan ng PRO 12 ang dalawang sumuko para mapabilang sa Enhanced Comprehensive Local Integration Program (E-CLIP) ng gobyerno.
Patuloy namang nananawagan ang kapulisang ng PRO 12 para sa mapayapang pagsuko ng mga natitira pang miyembro ng CTG sa Rehiyong 12.
Panulat ni Patrolman Khnerwin Jay A Medelin
