Sarangani Province – Nasawi ang dalawang miyembro ng CTG matapos ang engkwentro sa Sitio Etis, Brgy. New La Union, Maitum, Sarangani nito lamang ika-18 ng Enero 2023.
Ayon sa otoridad, kinilala ang napatay na suspek na si alyas “Laugo”, 2nd Deputy Secretary ng GF MUSA, at kabilang sa Most Wanted Person sa bayan ng Maitum, Sarangani at si alyas “Saysay” na napatay din na kabilang sa nasabing grupo.
Nagtagal ng sampung minuto ang engkwentro at wala naman nasugatan sa panig ng kapulisan at sundalo.
Natagpuan naman ang isang .45 caliber pistol na ginamit ng mga suspek.
Dinala naman sa Maitum Municipal Hospital ang bangkay ng mga suspek para sa forensic examination.
Panulat ni Patrolman Jerrald Gallardo
