Tuluyan nang winakasan ang pakikibaka at kusang nagbalik-loob sa pamahalaan ang dalawang miyembro ng Communist Terrorist Group sa Barangay Calachuchi, Catarman, Northern Samar nito lamang Setyembre 26, 2024.
Kinilala ni Police Major Norman S Kiat-Ong, Force Commander ng 1st Northern Samar Provincial Mobile Force Company, ang mga nagbalik-loob na sina alyas “Tres”, 37 anyos, residente ng Barangay Polangi, Catarman, Northern Samar at alyas “Aika”, 24 anyos na residente naman ng Barangay Curry, Lope de Vega, Northern Samar.
Ang pagbabalik-loob nila ay resulta ng matagumpay na pagsisikap at pakikipagnegosasyon ng mga tauhan ng 1st Northern Samar Provincial Mobile Force Company kasama ang Catarman Municipal Police Station at 803rd Maneuver Company, Regional Mobile Force Battalion 8.
Isinuko rin ng mga dating miyembro ng CTG ang isang yunit ng caliber .45 pistol at isang magasin na may tatlong bala.
Ang mga nagbalik-loob ay nasa kustodiya ng 1st Northern Samar PMFC para sa dokumentasyon at facilitation bago sumailalim sa programa ng ating gobyerno na Enhanced Comprehensive Local Integration Program o E-CLIP.
Ang pagbabalik-loob ng mga nasabing surrenderee ay reperesentasyon na ang mga programa ng ating gobyerno sa pagwawakas ng insurhensya at terorismo ay matagumpay na naipapatupad tungo sa pagkamit ng payapa, ligtas at maunlad na Bagong Pilipinas.
Panulat ni Patrolwoman Ma. Elena B Singian
