Northern Samar – Dalawang miyembro ng Communist Terrorist Group ang matagumpay na napasuko ng pulisya sa Sitio Balud, Brgy. Imelda, Mondragon, Northern Samar nito lamang ika-1 ng Hunyo 2023.
Ang mga sumuko ay kinilala ni Police Captain Solomon Agayso, Officer-In-Charge ng 803rd Maneuver Company, RMFB 8, na sina alyas “Randy”, 39, 4th Quarter 2022 NPSRL Member ng PLATOON 1, FC15, SRC ARCTIC, EVRPC (MGU PALAPAG) at alyas “EmEm”, 37, at may kaugnayan sa Underground Mass Organization (UGMO).
Naging matagumpay ang pagsuko sa patuloy na negosasyon ng mga tauhan ng 803rd Maneuver Company kasama ang 1st at 2nd Northern Samar Provincial Mobile Force Company, 125SAC 12SAB PNP-SAF at Mondragon Municipal Police Station.
Samantala, ang nasabing mga surrenderees ay nasa ilalim ng proteksyon ng 803rd Maneuver Company, habang inihahanda ang mga kinakailangang dokumento para ma-qualify ang kanilang enrollment para sa Enhanced Comprehensive Local Integration Programs ng Gobyerno at Local and Social Integration Program ng Northern Samar Provincial Government Office.
Patuloy naman ang panawagan ng mga awtoridad sa mga naging miyembro ng Teroristang Grupo na lumapit lamang sa kinauukulan upang kayo ay matulungan na magbalik-loob at matanggap ang magagandang programa ang gobyerno.
