Tambler, General Santos City – Agad na inabutan ng tulong ang dalawang miyembro ng CTG na sumuko sa mga tauhan ng Police Regional Office 12 na naganap sa Maitum, Sarangani Province niton lamang ika-6 ng Disyembre 2022.
Kinilala ang mga sumuko na sina alyas “Mark”, 20, at si alyas “Bunso”, 17, at kapwa residente ng Sitio Boting, Barangay Batian, Maitum, Sarangani Province.
Mainit na tinanggap ng mga awtoridad ang dalawa matapos silang magpasya na isuko ang kanilang armas at magbalik-loob sa ating gobyerno.
Sa kanilang pagsuko, ibinalik nila ang isang unit na ARMSCOR 5.56, M16 rifle, dalawang steel magazine na naglalaman ng mga bala, at isang unit M1 Caliber 30 Garand rifle na may mga bala.
Pormal silang iniharap sa LTF-ELCAC sa municipal hall ng Maitum, Sarangani Province sa pangunguna ni Honorable Alexander Bryan B Reganit at ngayon ay nasa kustodiya ng 38th IB, ID, PA para sa kaukulang debriefing at dokumentasyon.
Patuloy namang hinihikayat ng Pambansang Pulisya ang mga natitira pang miyembro at pinuno ng mga komunistang grupo na magbalik-loob na sa ating gobyerno tungo sa kapayapaan ng Rehiyon.
Panulat ni Patrolman Khnerwin Jay Medelin
