Arestado ang dalawang magkapatid na itinuturing High Value Individual sa anti-drug operation ng pulisya na isinagawa sa Purok 4A, Barangay Dalas, Labo, Camarines Norte noong Hunyo 7, 2025
Kinilala ang dalawang suspek na sina alyas “Mary” at “Mark”, kapwa naninirahan sa Barangay Tugos, Paracale, Camarines Norte.
Nasabat mula sa mga suspek ang humigit-kumulang 250 gramo ng hinihinalang shabu na tinatayang nagkakahalaga ng Php1.7 milyon.
Ang nasabing operasyon ay isinagawa ng ODRDO-RPDEU5 sa pakikipagtulungan ng Labo Municipal Police Station, Provincial Police Drug Enforcement Unit, at Provincial Intelligence Unit ng Camarines Norte PPO, katuwang ang Philippine Drug Enforcement Agency – Regional Office V (PDEA-ROV).
Nahaharap ang mga suspek sa mga kasong paglabag sa Republic Act 9165 o ang “Comprehensive Dangerous Drugs Act of 2002”.
Binigyang diin ni Police Brigadier General Andre P. Dizon, Regional Director ng Police Regional Office 5, na walang palya ang kanilang operasyon kontra droga, alinsunod na rin sa direktiba ni PNP Chief Police General Nicolas D. Torre III. Aniya, “Patuloy tayong magsasagawa ng agresibong kampanya upang masugpo ang ilegal na droga sa ating mga komunidad.”
Source: PNP Kasurog Bicol Facebook page
Picture courtesy of Labo MPS Camarines Norte PPO Facebook Page
Panulat ni PSSg Mercolito P Lovendino Jr
