Naga City – Arestado ang dalawang lalaki na tulak ng ilegal na droga sa isinagawang buy-bust operation ng Naga City PNP sa Zone 4, Barangay San Felipe, Naga City nito lamang Enero 15, 2023.
Kinilala ni Police Major Joseph V Enguero, Station Commander ng Police Station 2 ng Naga City Police Office, ang naarestong mga suspek na sina Arnel Z. Sarte, 33, may asawa at residente ng Zone 7, Barangay Concepcion Grande, Naga City at si Meric B. Santos, 39 at residente ng Zone 1, Barangay Concepcion Grande, Naga City.
Ayon kay PMaj Enguero, bandang 11:20 ng gabi ng maaresto ang mga suspek ng pinagsanib na mga operatiba ng Naga City Police Station 2, Naga City Police Station 5, Naga City Police Station 6, Naga City Mobile Force Company, Naga City Intelligence Unit, PDEG at sa pakikipag-ugnayan sa PDEA RO5.
Nakumpiska mula sa suspek ang pitong piraso ng selyadong plastik na pakete ng hinihinalang shabu na may tinatayang timbang na 2 gramo na nagkakahalaga ng Php13,600.
Mahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002.
Ang tagumpay ng PNP Bikol sa pagsugpo ng ilegal na droga ay bunga ng pinaigting na kampanya laban dito upang mahuli ang mga taong nagpapakalat at gumagamit nito para mapanatiling ligtas at maayos ang komunidad.
Source: Naga City NCPO
