Quezon City – Arestado ang dalawang lalaki sa kasong Carnapping (Wanted/Stolen Status) sa isinagawang operasyon ng Quezon City District Highway Patrol Team (QCDHPT) nito lamang Lunes, Hulyo 4, 2022.
Kinilala ni PLtCol Joel Mendoza, Officer-in-Charge, Regional Highway Patrol Unit – NCR, ang suspek na sina Stephen H Plaga, 33, residente ng 3C Loan St. Brgy. Sangandaan, Project 8, Quezon City at Rolando A Servantes, residente ng 565 Mayon St. Brgy. Maharlika, Amoranto, Quezon City.
Ayon kay PLtCol Mendoza, bandang 5:40 ng hapon nang naaresto sina Plaga at Servantes sa N. Roxas St. corner Apo St. Sat Terrisita, Quezon City sa isinagawang intelligence driven operation kaugnay sa Coplan “BINGWET” ng mga operatiba ng QCDHPT personnel sa pamumuno ni PCpt Ruben Mission.
Ayon pa kay PLtCol Mendoza, narekober ang isang Toyota Vios na may plakang NEC 1719.
Dagdag pa ni PLtCol Mendoza, na ayon kay Plaga (suspect 1), na ang nasabing Toyota Vios ay ibinenta ni Percival Herrera at ayon naman kay Servantes (suspect 2), ang Motor vehicle ay ibinigay sa kanila ng isang Chinese National John Doe (suspect 3 at large) sa pamamagitan ng kanyang boss na si Jam (suspect 4 at large).
Ang bawat matagumpay na operasyon ng PNP ay dahil na rin sa tulong at impormasyon ng bawat mamamayan na malaking aspeto sa pagkakaroon ng mas mapayapang komunidad.
Source: OIC, RHPU-NCR
###
Panulat ni Police Senior Master Sergeant Marisol A Bonifacio
