Calanasan, Apayao – Arestado ang dalawang lalaki ng Calanasan Municipal Police Station sa kasong Carnapping sa Sitio Rimut, Barangay Poblacion, Calanasan, Apayao noong Hunyo 1, 2022.
Kinilala ni Police Colonel Reynaldo Ogay Jr, Provincial Director ng Apayao Police Provincial Office ang mga suskpek bilang sina Michael Nieto Ubec, 23, at Orlan Bawig Sibaw, 19.
Ayon kay Police Colonel Ogay Jr., nakatanggap ang Calanasan MPS ng ulat ukol sa isang nawawalang motorsiklo sa Sitio Rimut na agad nirespondehan ng mga kapulisan.
Ayon pa kay Police Colonel Ogay Jr., nagtangkang tumakas ang dalawang suspek noong natagpuan ng mga pulis na aktuwal na ikinakabit ang gulong ng motorsiklo subalit sila ay nadakip.
Dagdag pa ni Police Colonel Ogay Jr, ang nasabing motorsiklo ay wala nang mga gulong, headlight, carburetor at battery.
Nagbabala naman si Police Colonel Ogay Jr sa mga residente na mag-ingat at isumbong sa pulisya ang mga krimeng nagaganap sa kanilang lugar.
SOURCE: PIO COR
###
