Tiklo ang dalawang indibidwal sa ikinasang buy-bust operation ng President Quirino PNP sa Purok Sampaguita, Barangay Tual, President Quirino, Sultan Kudarat nito lamang Hulyo 29, 2024.
Kinilala ang mga suspek na sina alyas “Paterno”, 30 anyos, construction worker, at alyas “Henry”, 30 anyos, driver at kapwa residente ng Esperanza Sultan Kudarat.
Naaresto ang mga suspek bandang 04:41 ng umaga sa ikinasang buy-bust operation ng mga tauhan ng President Quirino MPDEU kasama ang Sultan Kudarat Provincial Drug Enforcement Unit, Regional Special Operation Group 12, 1st Sultan Kudarat PMFC, 1202nd MC RMFB12, Sultan Kudarat Provincial Intelligence Unit at RID Tracker Delta.
Nakumpiska mula sa mga suspek ang tatlong pirasong heat-sealed transparent plastic sachets na naglalaman ng hinihinalang shabu na tumitimbang ng dalawang gramo na nagkakahalaga ng Php13,600, at isang pirasong Php500 bill bilang buy-bust money.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala, patuloy naman ang pagpapaigting sa paghuli ng mga taong nagpapalaganap ng ipinagbabawal na gamot upang mapanatili ang kaayusan at kaligtasan ng ating komunidad patungo sa Bagong Pilipinas.
Panulat ni Patrolwoman Flora Mae P Asarez- RPCADU 12
