Arestado ang dalawang indibidwal matapos makuhanan ng dalawang .45 caliber na baril sa ikinasang PNP/AFP Checkpoint sa Sirawan, Toril, Davao City nito lamang Agosto 25, 2024.
Kinilala ni Police Major Sheryl Y Bautista, Acting Station Commander ng Toril Police Station, ang dalawang suspek na sina alyas “Joey”, 44 anyos at alyas “Ruel”, 42 anyos.
Nakita ang .45 cal na baril sa side pocket ng packbag at ng suriin ay tumambad ang isa pang .45 cal sa sahig malapit sa driver.
Narekober sa mga suspek ang tatlong magazine, 13 na bala at isang belt slide holster at mahaharap sa kasong paglabag sa Republic Act 10591 o “Comprehensive Firearms and Ammunition Regulation Act”.
Samantala, ang mga tauhan ng Police Regional Office 11 sa pamumuno ni Regional Director Police Brigadier General Nicolas D Torre III ay patuloy na pinapaigting ang laban kontra kriminalidad alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino
