Arestado sa ikinasang buy-bust operation ang isang DI Listed at isa pang indibidwal ng mga operatiba ng Valencia City PNP nito lamang ika-8 ng Septyembre 2024 sa Barangay San Isidro, Valencia City, Bukidnon.
Kinilala ni Police Lieutenant Colonel Mitchel C Clemencio, Hepe ng Valencia City Police Station, ang dalawang suspek na sina alyas “Jam”, 46 taong gulang na kasama sa DI Listed at si alyas “Ernie”, 38 na taong gulang na Newly Identified Drug Suspek na pawang mga residente ng nasabing lugar.
Sa isinagawang buy-bust operation ng Valencia City Police Station ay nakumpiska ang siyam na pakete ng hinihinalang shabu na may street value na Php6,800.
Nahaharap ang dalawang suspek sa kasong paglabag sa Republic Act 9165 o “Comprehensive Dangerous Drug Act of 2002”.
Patuloy ang Valencia City PNP sa paglaban sa kontra ilegal na droga para mapanatiling ligtas at payapa ang komunidad.
