Negros Occidental – Arestado ang dalawang itinuturing na Street Level Individual matapos makuhanan ng shabu at baril kasunod ng inilunsad na drug buy-bust operation ng Himamaylan City PNP sa Sitio Sawangan, Brgy. Libacao, Himamaylan City, Negros Occidental nitong ika-6 ng Agosto 2023.
Kinilala ni Police Lieutenant Colonel Reynante Jomocan, Hepe ng Himamaylan City Police Station, ang mga nahuling sina alyas “Putol”, 40, may asawa, walang trabaho, at si Joy, 40, lalaki, walang asawa, walang trabaho, parehong mga residente ng Brgy. Carabalan, Himamaylan City, Negros Occidental.
Narekober sa dalawang subject person ang higit-kumulang 6 gramo ng suspected shabu na may Standard Drug Price na Php40,800, isang unit ng improvised home-made shot gun, dalawang live cartridge ng 12-gauge shotgun, Php500 na ginamit bilang buy-bust money, at isang improvised tooter.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Tinitiyak ng Himamaylan City PNP na walang lugar sa kanilang nasasakupan ang mga durugista at patuloy sa pagpapatupad sa kanilang tungkulin upang masugpo ang iba pang uri ng kriminalidad para sa kaayusan at kapayapaan ng komunidad.
