Arestado ang dalawang High Value Individual (HVI) recidivist sa isinagawang buy-bust operation ng mga operatiba ng PS16 Ma-a at Davao City Police Office – City Drug Enforcement Unit dakong 4:20 ng hapon noong Hunyo 13, 2025 sa Purok 1-B, Lower Dampa, Barangay Magtuod, Davao City.
Ayon kay Police Major Philip Dave A Uddin, Officer-In-Charge ng PS16 Ma-a, nahuli sa aktong nagbenta ang mga suspek ng isang pirasong heat-sealed plastic sachet na naglalaman ng hinihinalang shabu na may timbang na isang gramo at tinatayang nagkakahalaga ng Php6,800 sa isang undercover police na nagpanggap na buyer.
Agad na inaresto ang mga suspek at nakuha mula sa kanila ang kabuuang humigit kumulang 10 gramo ng shabu na nagkakahalaga ng tinatayang Php68,000.
Nahaharap ang mga suspek sa kasong paglabag sa Section 5 (Selling of Dangerous Drugs) at Section 11 (Possession of Dangerous Drugs) ng Republic Act 9165 o “Comprehensive Dangerous Drugs Act of 2002”, at sa kasong paglabag sa RA 10591 (Illegal Possession of Firearms and Ammunition).
Ang matagumpay na operasyon na ito ay patunay ng patuloy na dedikasyon ng Davao City Police sa paglaban sa ilegal na droga at pagpapanatili ng kaayusan at kapayapaan sa lungsod. Hinihikayat ng kapulisan ang pakikiisa ng publiko sa pamamagitan ng pagbibigay ng impormasyon upang mas mapalakas pa ang kampanya kontra droga. Sa tulong ng komunidad at mga ahensya ng gobyerno, ang Davao City ay mananatiling ligtas at maayos na tirahan para sa lahat.
Panulat ni Pat Shairra Rose A Aquino
