Timbog ang dalawang High Value Individual sa ikinasang buy-bust operation ng pinagsamang pwersa ng PNP at PDEA-CAR sa Leonila Hill, Evangelista St., Aurora Hill, Baguio City nito lamang ika-16 ng Mayo 2024.
Kinilala ni Police Colonel Francisco B Bulwayan, Jr., City Director ng Baguio City Police Office, ang unang lalaking suspek na si alyas “Sam”, 28, residente ng Datu Esmael, Dasmarinas City, Cavite at residente ng San Carlos Heights, Baguio City at isang babae na si alyas “EJ”, 27, mula Assumption, San Jose Del Monte City, Bulacan at residente ng San Carlos Heights, Baguio City.
Ayon kay PCol Bulwayan, Jr., ang operasyon ay nagresulta sa pagkakadakip ng mga suspek at pagkakumpiska sa mga ebidensya na isang (1) heat-sealed transparent plastic sachet na naglalaman ng puting crystalline substance na hinihinalang shabu na tumitimbang ng MOL 25 gramo na may Standard Drug Pricr na Php170, 000.
Nakumpiska rin ang isang blue pouch, Php1000 bill na may SN# HD594889, 74 na pirasong Php1000 na boodle money na may parehong serial nos. GD815869, isang REALME touch screen cellphone at isang INFINIX touch screen cellphone.
Ang matagumpay na operasyon ay isinagawa sa pangunguna ng Regional Police Drug Enforcement Unit/ Regional Intelligence Unit, PRO Cordillera katuwang ang mga tauhan ng Police Station 6 at City Drug Enforcement Unit, BCPO, PNP Drug Enforcement Group Special Operation Unit-14, at Regional Intelligence Unit 14, at PDEA-CAR.
Isinagawa ang pag-imbentaryo sa mga ebidensya sa presensya nina Hon. Robert De Vera, Baranhay Captain ng Baranhay Leonila Hill, Baguio City at Mr. Darius Bajo, media representative.
Ito ay patunay na ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting sa kampanya kontra ilegal na droga alinsunod sa pangunahing prayoridad ng administrasyon na sugpuin ang ilegal na droga sa Bansa.
Panulat ni PSSg Juderick S Tasing
